Thursday, April 1, 2010

පොලිට්‍රික්ස්

හැමෝටම සක්සස්පුල් බියුටිපුල් දවසක්ම වේවා. සුපුරුදු පරිදි අදත් අපි ඔබේ ආලින්දයට ගොඩ වැදිලා ඉන්නේ කෝට් 6ක ඇඳුම් මල්ලක් සමාවෙන්න...කෝටි 6ක ජය මල්ලකුත් කරේ තියාගෙනයි....ඈ....ක් මොකක් හරි අස්පට් එකක් වගේ දැනෙනවා. ඉන්න බලන්න ආයෙත් රිවයින් කොරලා. හැමෝටම සක්සස්පුල් බියුටිපුල් දවසක්ම වේවා. ඔන්න ඉතිං පැංචි අදත් ආවා මතක ඇතුව හිනාකටකුත් අරගෙනම( ට්‍රැක් එකට වැටුණා නේද ගානට?) ඉතිං ඔයාලට කොහොමද කියන්නකෝ? පැංචි නම් පුල් හැපී එකේ ඉන්නේ. එකමත් එක කාලෙක පැංචිට විච්ච අන්දමන්දන් කතන්දර දැං යට ගියාවේ සුළමුළ වෙලා. ඇයි ඉතින් ඊට වඩා හොල්මන් ඉස්ටෝරිස් ටිකක් ගියානේ මේ පහු ගිය කාලෙම. මෙන්න ඔයාගේ නහය කියලා කන පෙන්නලා, කන අල්ලලා බලනකොට ඔලුවට ටොකුත් ඇනලා යන මාර මැජික්නෙ ඒ කාලේ තිබ්බෙ. නහය තාමත් රූං රූං ගානවා ආ වැරදුණා කන තාමත් රූං රූං ගානවා ඇහුණ මිහිරි වදන් වලට. ඒ සුරංගනා කතා නම් හොඳටම ඇති තව කල්පෙකට ගොරව ගොරව නිදා ගන්න.

ඔයාලට කියන්න පහුගිය කාලේ...පුදුමෙ කියන්නෙ පය ගැහෙන ගැහෙන ගල හිනා වෙන්න ගත්තනේ. දැනුත් ඔය ඉඳල හිටලා තැනින් තැන හදි ගැහෙනවා හිනා මූණක් දෙකක් හැබැයි පණුවො කාපු දත් බොල්ලෑවක් එක්ක. දුකේ....බෑ....ඕං පැංචිගේ මේ ඇස් දෙක දැක්ක නොවැ බිමට පාත් වෙලා තිබ්බ තාප්ප කෑල්ලක අලවලා තිබිච්ච හිනා කටකට බලු මහත්තයෙක් ප්‍රයිවට් වැඩක් කොරනවා. හික් හික්! ඕවා මේ පබිලිස් එකේ කියන්න හොඳ දේවල් නෙමෙයි. ඒවා එක අතකට මොනාද ඔය තාප්ප වල ඉන්න ඇත්තො මූණෙ ගාගන්න දැලි, කුණු,මඩ බලද්දි. පව් මෙයාලා හරියට සැලුන් ගිහින් වගේ. ඇස් වටේ පිපිඤ්ඤා පෙති දෙකක් තියල ගත්ත නම් අලුතින් අරින සැලුන් එකක බෝඩ් ලෑල්ලකට පංකාදු පහයි.

නෑ පැංචි කියන්නෙ ඉතින් රට රාජ්ජවල කරක් ගහලා, කප් පිට කප් ගහලා ඇවිත් තාප්පවල ඇලවිලා බුලත් කෙල නාගෙන ඉන්නකොට අනේ අප්පේ බඩ පපුව හෝ...ස් ගාලා දාලා යනවා. මොනවා වුණත් අපි වෙනුවෙන් කතා කරන්න ඉන්නෙ ඔච්චරනේ. බලන්න ඉතින් කෝටි ගානක් වියදං කොරගෙන තාප්ප වහලා ආය කෝටි ගානක් වියදම් කොරගෙන තාප්ප සුද්ද කරන්න තරම් පරමාදර්ශී ජනතා පුත්තු ඉන්නේ මොන රටේද? ඒකත් තමන්ගේ ධන ප්‍රමාණයෙන්? හා කියමු බලන්න...? ඕවා මොනාද නැට්ට පිටින් අලිත් ස්වර්ගස්ත වෙන මේ කාලේ. පාන් ගෙඩියක් රුපියලකින් වැඩි කොරලා, ගෑසුත් රටේ නැති ගෑස් දානකොට දන්න තරම් පද කස්තිරම් දාලා ලාභය ගැන කතා කරන්නේ මිලියන බිලියන ගානින්. අනේ ඉතින් කන්න තියා විකන්නවත් බැරි අඩුම තරමේ පුච්චලා අලු නලලේ ගාලත් වැඩක් නැති පෝස්ටර් කඳුයි, කටවුට් තොගයි නම් කාටවත් නොතේරෙන ඉලක්කම් වලින් වත් කියන්න බැරි තරම් ලාභයක් කරපු හැඩයි.

පැංචිට නම් මේ සෙල්ලම සූදුවක්. ඔය සූදුවේ හැමදාම ජැක් පොට් එක වදින පිරිසක් ඉන්නවා. ජැක් පොට් කෙසේවෙතත් අනිත් කට්ටියගේ ඉතින් හැමදාමත් ඇස් පොට්ට වෙන එක තමා වෙන්නෙ.

නැද්ද හොඳයි?

4 comments:

  1. ලංකාවේ දේශපාලනයේ තියෙන විගඩම් එක්ක අපේ වැඩි දෙනෙකුට ඕක විගඩමක් තමයි. ඒත් ඔය හැම දෙයක් ම සාපේක්ෂයි පැංචි. ඔය පෝස්ටර් දේශපාලනය හෙළා දකින එක හුඟ දෙනෙක් කරන්නේ ‍යුරෝපීය හෝ අමෙරිකානු දේශපාලන පරිසරයත් එක්ක සංසන්දනය කරලා. ඒත් අමතක කරන්න එපා ආසියාවේ අපට වඩා අන්ත ජඩ දේශපාලනයක් කරන රටවල් තියෙනවා. ඒ එක්කම මඩ ගහලා පෝස්ටර් ගැහුවේ නැති වුණාට පහුගිය එංගලන්ත මැතිවරණයේදිත් ඕන තරම් මඩ ගහපු දැවැන්ත ප්රගචාරක පුවරු විපක්ෂයෙන් පාවිච්චි කරලා තිබුණා.
    උස් මහත් වෙච්චි කෙල්ලක් විදිහට පැංචි ඔයිට වඩා යථාර්තවාදීව ලෝකය දකින්න ඕන කියලයි මම නම් හිතන්නේ.

    ReplyDelete
  2. තේජාන් සහෝදරයත් ඕං කලු කන්නාඩි දාගෙන පැංචිගේ පෝස්ට් එක කියෝලා වගේ.කිසිම පටු අදහසක් නෑ, පැංචිාග් අදහස් ප්‍රකාශ කලා විතරයි.පැංචි දැකපු යථාර්ථය ඒකනම් ඒක ප්‍රකාශ කරපු එක වැරදි නෑ කියලා හිතනවා. ඔබ තුමාගේ අදහස් වලට හිස නමා ගරු කරනවා.

    ReplyDelete
  3. This comment has been removed by the author.

    ReplyDelete
  4. Panchi liyaapu kathaawe yathaarthaya nowana deyak mata nam penenna nehe. weradie kiyala penuna deyakata weradie kiyala kiyana ekaney oya karala thiyenney. aaye, meeta wadaa weradie engalanthey sudu mahaththuru, nonanla karanawa kiyala, mey ratey karana weradie walata weradie kiyala kiyana eka wereddak newei neda? (therunada manda kiyanna hadapu eka^-^)

    pa.li.: mata sinhalen type karanna hena welawak gathawenawa (google transliterator eke).Eekai ingirisi akuru walin sinhala wachana liwwe.samawa bhajanaya karathwa!!!

    ReplyDelete